أبعاد فكرة

      في وايد أفكار وعي انتشرت و استفدنا منها بسبب تويتر و تيك توك، سواء بنوعية كتب انتشرت بترند مثل (نادي الخامسة صباحاً) و (أقوم قيلاً).. أو tips تفيد المشاريع الصغيرة .. و حتى reviews لمنتجات البشرة .. و في توجه بعد حق مشاركة الناس لتجاربهم الخاصة بصحتهم النفسية.      وايد.. وايد أشياء تعتبر إيجابية و eye-opener بهالتطبيقات، و عن نفسي آنا ضد التوجه الي يبالغ بالتحذير منهم. لازم نعترف إن التطبيقات هذي زينه و تفيدنا، بدال التنفير منها و اعتبارها بس للناس التافهة.  لما نصف الشيء بواقعية و نعترف بإيجابياته، راح نشوف سلبياته بدون عناد و بدون مكابر !            تويتر و تيك توك صح ساهموا بتسهيل "النجاح" بفعل كم تجارب الناس المعروضة، و النصايح بالثريد، و كلام محفز..إلخ. و لكن للأسف فكرة النجاح المنتشرة لازم تكون على المقاس العالمي المنتشر بالسوشيال ميديا. تمارس الرياضة بانتظام: ناجح طالب جامعي منظم: ناجح مشروع تجاري صغير: ناجح أنهيت تحدي القراءة: ناجح      كل هالأمور عسل! بالعكس شي طيب انها ترند.. و لكن: التخرج م...